Hleðsla Rafbíla

Rafbílar

Rafbílar henta þeim sem velja grænan kost í samgöngum.
Allar helstu náttúruperlur Íslands eru nú aðgengilegar rafbílum og hleðslustöðvum hefur fjölgað gífurlega um land allt.

Rafbílar eru leigðir út með a.m.k. 80% hleðslu og leigutaka ber að skila bílnum með sömu hleðslu. Með hverjum raf- eða tengitvinnbíl fylgir vegghleðslusnúra (neyðarhleðslusnúra) og auk hennar fylgir heimahleðslusnúra ef um rafbíl er að ræða.

Press here for the English verison

Gerðir og tenglar

Hleðslusnúrur fyrir rafbíla koma í mörgum gerðum og með mismunandi tengla (e. mode og type).

Vegghleðslusnúrur (Gerð/Mode 2) eru með áfastan spennubreyti. Á þeim eru tveir mismunandi tenglar, veggtengill (Tengill/Type F) og annar sem tengist í bílinn (Tengill/Type 1 eða 2). Vegghleðslusnúrur hlaða bílinn hægar (Hámark 3,7kw) og þær má aðeins tengja í 16A innstungu.

Heimahleðslusnúrur (Gerð/Mode 3) eru án spennubreytis þar sem hleðslustöðin sjálf talar við bílinn. Rétt eins og með vegghleðslusnúrur eru tveir tenglar á þessum snúrum, annar tengist í hleðslustöð (Tengill 2) og hinn í bílinn (Tengill/Type 1 eða 2). Heimahleðsla er mishröð eftir bílum eða frá 3,7kW upp í 43kW.
Hafðu samband og við hjálpum þér með uppsetningu á þinni eigin heimahleðslustöð.

Hraðhleðslusnúrur (Gerð/Mode 4) eru áfastar við hraðhleðslustöðvar og hlaða enn hraðar en vegg- og heimahleðslusnúrur. Á þessum snúrum er annaðhvort að finna CCS tengil (Tengill/Type 2 með auka pinnum) eða CHAdeMo tengil. Hraðhleðsla býður upp á mestan hraða, stundum yfir 150kW!
Skráðu þig hjá Ísorku eða Orku Náttúrunnar og fáðu aðgang að hleðslunetum þeirra um land allt.

Drægni

Drægni rafbíla er mismunandi eftir gerð bíls, aksturslagi og aðstæðum og því er mikilvægt að fylgjast með hleðslu bílsins og áætlaðri drægni. Rafbílar mæla aksturslag og aðstæður og áætla drægni út frá þessum breytum en hafa þarf í huga að aksturslag fyrri leigutaka getur haft áhrif á nákvæmni áætlaðrar drægni. Helstu hlutir sem hafa áhrif á drægni eru:

Aksturslag
Veðurfar (Hitastig og vindur)
Vegur og undirlag
Farmur bíls (Farþegar og farangur)
Halli sem ekið er á (Brekkur)
Hitastig rafhlöðu
Notkun aukabúnaðar (Miðstöð, sætishiti, útvarp o.fl.)

Sé það tvísýnt hvort rafbíll drífi á næstu hleðslustöð er mikilvægt að minnka orkunotkun bílsins. Stilltu á sparakstur, slökktu á óþarfa aukabúnaðim haltu jöfnum hraða og nýttu mótorbremsuna sem hleður inn á geyminn í akstri.

Verði rafbíll rafmagnslaus verður hann óökufær og þarfnast þá flutnings á næstu hleðslustöð. Rafbíla má ekki draga og því þarf að sækja þá á sérútbúnum bílum. Leigutaka ber að tilkynna AVIS Bílaleigu ef rafbíll verður rafmagnslaus og ber allan kostnað sem hlýst af flutningi.